Reshje të dendura dhe intensive priten gjatë ditëve në vijim, kryesisht në veri të Shqipërisë. Ministria e Mbrojtjes ka njoftuar se më 22 nëntor, qarqet Shkodër, Kukës, Dibër, Tiranë dhe Elbasan do të përballen me reshje të shumta. Në qarqet e tjera të vendit, reshjet do të jenë mesatare, por mund të arrijnë nivele më të larta.
Agjencia Kombëtare e Mbrojtjes Civile (AKMC) ka kërkuar rritjen e gatishmërisë së strukturave të Mbrojtjes Civile dhe institucioneve përgjegjëse për menaxhimin e infrastrukturës dhe burimeve natyrore.
AKMC u bën thirrje prefekturave dhe bashkive që të mobilizojnë menjëherë strukturat e emergjencave dhe të monitorojnë situatën, veçanërisht në zonat më të rrezikuara.
