Prekë Kodra, ishte një emër thuajse i panjohur për publikun deri ditën kur SPAK e shpalli në kërkim në kuadër të dosjes Metamorfoza. Ditët që do të pasonin, do të zbulonin profilin e një snajperisti, tejet të rrezikshëm, që ishte kontraktuar nga grupet kriminale për të kryer vrasje në distanca të largëta.
Suel Cela, kreu një prej grupeve kriminale në Elbasan që kërkonte me cdo kusht kokën e kundërshtarit të tij, Ardian Capja ra na kontakt me Prekë Kodrën.
Pavarësisht përpjekjeve të vazhdueshme për ta ekzekutuar Capjan, grupi kriminal nuk kishte arritur që ta realizonte atentatin, për shkak se ai ruhej jashtë mase. E vetmja mundësi ishte gjuajtja në distancë e tij.
Ndaj Prekë Kodra, ishte njeriu i duhur. Sic del nga hetimet e SPAK, Kodra merr përsipër të ekzekutojë Capjan dhe këtë e bën nga Kodra e Krastës.
Ai qëlloi me snajper nga 400 metra distancë dhe e la të plagosur Ardian Capjan. Ky i fundit mundi t’i mbijetonte atentatit dhe tashmë ndodhet në burg ku vuan dënimin me burg përjetë për akuzën e dy vrasjeve, të Gentian e Nezir Beqirit.
Ndërkohë Prekë Kodra dyshohet të ketë kryer dhe vrasje të tjera të sofistikuara, Më herët autoritetet e kanë dyshuar për ekzekutimin mafioz të Kastriot Recit në zemër të Rrëshenit, por deri më tani nuk është ngritur akuzë zyrtare për këtë ngjarje. SPAK tashmë ka në duar dhjetra biseda të Sky Ecc që po i kryqëzon me njëra-tjetrën për të zbardhur ngjarje të rënda kriminale. Mbi këto të dhëna, ka ndërtuar edhe profilin kriminal të shkodranit Prekë Kodra; atë të një snajperisti tejet të rrezikshëm.
Prekw Kodra, njihet me nofkat “mjeshtri”, “gjuetari”, “magjistari”.
