Plazhi i Manastirit. Një nga perlat e rivierës sonë në Sarandë, ku nuk ka mbërritur ende aksioni për prishjen e ndërtimeve pa leje. Sepse po ndërtohet dhe po hidhet beton. Ndërkohë që është e ndaluar hyrja për publikun. Asnjë pushues nuk mund të shkojë e të bëjë plazh në këtë tokë publike. Sepse kur ndërtohet me lejen e qeverisë, merren masa që askush mos të jetë dëshmitar.
Vite më parë, plazhi i Manastirit ka qenë një plazh publik i aksesueshëm për pushuesit.
Ndërkohë që Bashkia, Policia e Sarandës dhe Muçi i Sarandës merren me shitësit ambulantë, në plazhet e Sarandës ndërtohet pa asnjë problem. Tashmë edhe plazhi i Manastirit ka marrë statusin e atij të Kakomësë. Mollë të ndaluara për qytetarët dhe trofe për biznesmenët që hedhin beton në to.
Trau për të bllokuar turistët është vendosur në hyrje të plazhit.
