Një zjarr i përmasave të mëdha ka përfshirë sot fshatin Senicë, duke shkaktuar dëme të konsiderueshme materiale. Disa shtëpi janë djegur, ndërsa flakët kanë përfshirë edhe Kishën e Shën Dhimitrit, një nga objektet më të rëndësishme fetare dhe historike të zonës.
Fatmirësisht, nuk raportohet për banorë të lënduar, pasi autoritetet kanë evakuuar me kohë familjet që rrezikoheshin nga zjarri. Në terren vijojnë ndërhyrjet nga ajri me dy helikopterë për të frenuar përhapjen e mëtejshme të flakëve, ndërsa forcat zjarrfikëse janë të angazhuara për shuarjen e vatrave aktive.
