Partia Demokratike mbledh këtë të shtunë Kuvendin Kombëtar, vetëm pak ditë pas rizgjedhjes së Sali Berishës në krye të forcës politike. Berisha siguroi një mandat të ri pa pasur asnjë kandidat përballë në garë.
Gjatë punimeve të Kuvendit, kreu i Grupit Parlamentar të PD-së, Gazmend Bardhi, pritet të prezantojë paketën e ndryshimeve statutore, e cila më pas do t’i nënshtrohet diskutimit dhe votimit nga delegatët.
Në axhendën e mbledhjes është parashikuar edhe miratimi i përbërjes së re të Këshillit Kombëtar, një nga strukturat më të rëndësishme drejtuese të partisë.
Po ashtu, Kuvendi pritet të përcaktojë prioritetet politike dhe organizative të Partisë Demokratike për periudhën në vijim. Sipas informacioneve të bëra publike më herët, ndryshimet statutore nuk do të prekin të ashtuquajturin “Neni Basha”, që parashikon që kryetari që humbet zgjedhjet jep dërëheqjen dhe nuk rikandidon më për kryetar, si dhe sistemin e Primareve për përzgjedhjen e kandidatëve.
