Partia Demokratike ka shtuar një qark të ri në listën e ankimimeve të dorëzuara në Komisionin e Ankimimeve dhe Sanksioneve. Sot, PD njoftoi se ka ankimuar rezultatin e zgjedhjeve të 11 majit për qarkun e Fierit, duke pretenduar shkelje serioze gjatë procesit.
Sipas PD-së, funksionarë të ndryshëm gjatë zgjedhjeve kanë qenë të përfshirë në fushatë aktive, si dhe në skema të tjetërsimit të votës, përfshirë edhe blerjen e saj.
PD gjithashtu denoncon se eksponentë të krimit kanë patrulluar në zonat urbane dhe rurale, duke bllokuar rrugë dhe ushtruar presion mbi qytetarë dhe familje për të ndikuar rezultatin e votimit.
