Kreu i Partisë Demokratike, Sali Berisha, i ka propozuar protestuesve një rrugë parlamentare për largimin e kryeministrit Edi Rama. Gjatë një konference për shtyp, Berisha deklaroi se nëse deputetë të Partisë Socialiste vendosin të shkëputen nga mazhoranca dhe t’i heqin Ramës shumicën parlamentare, opozita është e gatshme të japë votat e saj për një mocion mosbesimi.
Sipas Berishës, protesta mund të ushtrojë presion politik edhe ndaj deputetëve socialistë që nuk duan të identifikohen me qeverinë, duke krijuar kushtet për një ndryshim përmes Parlamentit. “Votat tona janë gati”, ishte mesazhi i kreut të opozitës për çdo nismë që do të synonte rrëzimin e qeverisë me mjete institucionale.
