Kryeministri Rama ka paralajmëruar anëtarët e qeverisë dhe drejtuesit e bashkive ku tha se kush bën korrupsion, është tradhtar dhe nuk ka lidhje me PS-në.
Ai deklaroi se nuk do ta kenë në krah nëse punojnë fshehurazi.
Unë kam pasur detyrën të punojë në 10 vjet me 40 e ca ministra dhe të gjithë ata e kanë dëgjuar prej meje, që prej ditës së parë, se kush lufton për të mirën e përbashkët, më ka në krah në çdo hap edhe kur sulmohet.
Por kush gabon duke kujtuar se do bëjë një rrugë e dy punë, nga njëra anë duke luftuar me mua dhe PS-në për të mirën e përbashkët, dhe nga ana tjetër duke punuar fshehurazi për xhepin, nuk do më ketë në krah as mua dhe as PS. Vetëm avokatin e vet para drejtësisë.
Jo po PS duhet t’i mbajë njerëzit dhe ti nuk duhet t’i lëshosh njerëzit e tu. Unë nuk lëshoj vetëm djalin e vogël dhe ndonjë shkëmb në det ku do të hidhet.
Por nuk mbaj asnjë burrë me para të vjedhura në karrige kur vjen ora të thirret. Jo po nuk kam bërë asgjë, më bien në qafë. Nëse nuk ke bërë gjë, nuk të mbaj as unë, as PS, por e vërteta. Prandaj lufto për të vërtetën tënde sepse unë dhe PS nuk bëjmë asnjë koment për çështje që hap SPAK për deputet, kryebashkiak apo ministër,” tha Rama.
