Gazetari Ylli Rakipi, në emisionin e tij “Të Paekspouarit” mbrëmjen e sotme, foli për edhe akuzat që iu bënë Rithemelimit në zgjedhjet lokale se ka punuar për Erion Veliajn. Rakipi u shpreh se e detyruan Belindin të bënte fushatë me autobuz, duke hequr vëmendjen nga kullat në Tiranë, ndërsa nga ana tjetër merrnin si shpërblim benefite.
“Në zgjedhje përballë Erion Veliajt nxorrën një autobuz. E detyruan Belindin e shkretë të nxirrte një autobuz, një autobuz free, të lirë. Dhe ndërkohë u harruan të gjitha gradaçelat që ndërtohen në Tiranë dhe të gjitha gjërat. Dhe doli fjala dhe u përfol vazhdimisht që opozita ishte duke punuar me Erion Veliajn dhe merrte benefitet e veta, merrte shpërblimet e veta, merrte objektet e veta. Merrte kullat dhe vilat dhe këto të vetat” – tha Rakipi.
