Presidenti i Partisë së Lirisë, Ilir Meta ka deklaruar pasditen e sotme gjatë një konference për mediat, se “një bankë e nivelit të dytë tentative mafioze për të bllokuar levizjet në llogarite bankare të Partise së Liris për të krijuar probleme artificiale me pagesat e administratës”. Teksa u ndal në këtë pikë, Ilir Meta ishte tejet i nervozuar dhe ai goditi me dorë tavolinën, teksa shpjegoi se tentuan ti bllokonin llogaritë.
Ai tha që është nëse bllokojnë llogaritë, nuk mund të bllokojnë kurrsesi Partinë e Lirisë. “Unë jam detyruar t’ua them juve, pa ekspozuar bankën… në emër të kujt i bëhet kjo bllokadë? Ja dhe e bllokuan llogaritë, do bllokojnë PL? Ilir Metën? Do fshehin aferat? Të Lulzim Bashës dhe Ramës? Kjo qenie e pështirë që ka marrë peng njerëz”, tha Meta. Ai shtoi më tej se pavarësisht përpjekjeve të mafias, për të bllokuar Partinë e Lirisë, do të zhvillojë një betejë ballore.
“Na e kanë hedhur se kishin korruptuar njerëzit tanë më të afërt, por tani beteja është ballore, e pamëshirshme. Kemi parimet e Bajo Topullit, doni t’i provoni? Kur të doni! Që sot!”, tha ish-presidenti. Ilir Meta është nën hetim nga SPAK dhe disa javë më parë ka patur një retorikë të ashpër ndaj prokurorisë së Posacme duke etiketuar kreun e saj Altin Dumani si “dum dumani”. SPAK po heton edhe Monika Kryemadhin deputete e PL-së, e cila tashmë është në process divorci me Ilir Metën, pasi kërkesë padisë së paraqitur në gjykatë nga ky i fundit.
