Gjykata e Korçës ka vendosur arrest me burg për Bledar Duron, mësuesin 41-vjeçar, i cili akuzohet se ngacmoi seksualisht dy nxënëset e tij të mitura.
Duro akuzohet për ngacmim seksual ndaj dy të miturave në shkollën “Sotir Gura”, të cilave iu dërgonte mesazhe në rrjetet sociale.
Vajzat, së bashku me prindërit e tyre, janë drejtuar në Komisariatin e Policisë së Korçës për të denoncuar ngacmimin seksual, duke paraqitur si prova telefonat e tyre, ku gjendeshin mesazhet e dërguara nga mësuesi. Sipas informacioneve, mesazhet e pahijshme janë dërguar nga mësuesi në kohën kur nxënëset nuk ndodheshin në shkollë.
