Pas kryeministrit Edi Rama, radhën për të sulmuar SPAK-un ishte e kryetarit të PL, Ilir Meta. Në një audio regjistrim të dërguar nga qelia, Meta i është bashkuar deklaratës së Ramës se drejtësia nuk respwkton të drektat e njeriut, pasi teksa ai ishte duke konsumuar mëngjesin dhe po dëgjonte Ramën, i bënë një kontroll të posaçëm duke i ndërprerë edhe bukën.
“Pasi u bë kontrolli im i imët fizik i trupit, pastaj u bë kontroll i imët për gati 20 minuta në të gjithë qelinë, përfshirë edhe frigoriferin, që nuk kishte ndodhur asnjëherë, por ndodhi rastësisht besoj gjatë fjalimit të këtij skizofreni që fliste për standardet e drejtësisë, për standardet europiane, që i garantonte partia e inceneratorit që nuk ekziston dhe që vetëm Dumani nuk e shikon”, thote Ilir Meta.
Meta më tej vijoi me këshilla për drejtësinë se si të veprojë me disa çështje ku implikohet kryeministri Rama siç është inceneratori apo skandali “McGonigal”. Sipas kreut të PL, nuk ka Duman që e shpëton.
“Të marrin dhe shkresën e Edi Ramës, që ka shpallur kompaninë fituese të inceneratorit me 8 pikë pa u krijuar ligjërisht dhe të tregojë standardet e vërteta të drejtësisë së Edi Ramës. Njëkohësisht të marrë edhe procesin gjyqësor kundër McGonigalit, ku del Edi Rama të paktën 14 herë për korrupsion dhe t’ja u tregojë të gjithëve standardet e lobimit të Edi Ramës edhe të Dumanit, që i mban aty në sirtar.
Prandaj, të gjithë të mobilizohen, mos i ndani ato shkresa, ato fakte që ulërasin prej vitesh e vitesh dhe vetëm Dumani i këtij nuk i shikon, se nuk ka Duman që i bën më derman këtij” - tha Meta.
