Një 29 vjeçar ka mbetur i plagosur në Kukës. I plagosuri me armë zjarri është transportuar menjëherë me urgjencë drejt Spitalit të Prizrenit, për të marrë ndihmën mjekësore të nevojshme.
Ngjarja ka ndodhur në fshatin Bicaj të Kukësit. Policia njofton se 29-vjeçari me inicialet E. H., është plagosur me armë zjarri gjatë një konflikti për motive të dobëta me një person tjetër, i cili është identifikuar, por gjeneralitetet e tij nuk bëhen me dije për momentin, për shkak të hetimit.
Në njoftimin e policisë thuhet se është ngritur grupi hetimor dhe në drejtimin e Prokurorisë Kukës po vijon punën për zbardhjen dhe dokumentimin e plotë ligjor të këtij rasti.
