Kryeministri Edi Rama dhe Prokuroria e Posaçme (SPAK) kanë dhënë shifra të ndryshme mbi përqindjen e të paraburgosurve në Shqipëri.
Gjatë një deklarate publike, Rama tha se në Bashkimin Europian përqindja e personave në paraburgim është 24%, ndërsa në Shqipëri kjo shifër arrin në 61%. Ai shtoi se, edhe pse SPAK nuk është faktori kryesor, ka gjithsesi një rol në këtë situatë.
Ndërkohë, SPAK, duke iu referuar të dhënave nga Drejtoria e Përgjithshme e Burgjeve, sqaroi se numri total i personave në paraburgim në vitin 2024 është 2791. Nga këta, vetëm 270 persona, ose rreth 9.7%, janë në paraburgim si pjesë e hetimeve të SPAK.
