Kur mbeten vetem pak javë që Shqipëria të shkojë në zgjedhjet parlamentare të 11 majit, SPAK deklaroi se pranë këtij institucioni janë depozituar 65 kallëzime penale që lidhen me krime në fushën e zgjedhjeve.
"Për periudhën janar 2025 – deri me datë 23 Prill në platformën online “Denonco krimin zgjedhor” kanë ardhur gjithsej 23 materiale kallëzuese.
Nga totali i materialeve kallëzuese që lidhen me zgjedhjet, ardhur dhe depozituar në Prokurorinë e Posaçme rezulton se janë regjistruar gjithsej 25 procedime penale", thuhet në një përgjigje me shkrim të prokurorisë së Posacme pas një kërkesë për informacion. Sipas SPAK, nga 25 procedime penale të regjistruara gjithsej për periudhën janar 2025 – deri aktualisht, 7 prej tyre janë të regjistruara kryesisht.
