Katër shtetas bullgarë janë arrestuar nga Policia greke pasi akuzohen se kanë mashtruar një 63 vjeçare shqiptare, duke i marrë 98500 euro.
Kanë qenë pamjet e kamerave të sigurisë të zonës që kane identifikuar mashtruesit, mes të cilëve operonin edhe dy gra. Nëndrejtori i Policisë Thira tha se kanë identifikuar mashtruesit e huaj, mes të cilëve dy gra dhe shumë shpejt i kanë vënë në gjurmë njëri pas tjetrit në qendër të Firës, ku u vunë në pranga. Atyre iu gjetën 98 mijë e 500 euro që i atribuohen 63-vjeçarit, ndërsa katër bullgarët u dërguan në Prokurorinë e Naxosit me dosjen e ngritur ndaj tyre për organizim kriminal dhe mashtrim në bashkëpunim.
Sipas Protothema, gjithçka nisi të premten e kaluar, kur 63-vjeçarja mori një telefonatë nga një grua e panjohur e cila i ishte prezantuar si punonjëse policie dhe i kërkoi një shumë të madhe parash, dyshohet se për të shmangur pasojat ligjore për djalin e saj që shkaktoi një aksident automobilistik ku ka plagosur rëndë një fëmijë të mitur. Gruaja ndoqi udhëzimet e saj dhe i vendosi paratë në një kosh plehrash. Megjithatë, mashtrimi u zbulua dhe nisi një hetim që rezultoi në çmontimin e rrjetit të mashtruesve.
