Një automjet i ushtrisë është përfshirë në një aksident rrugor me një autobot, ku gjashtë ushtarakë kanë mbetur të plagosur. Ngjarja ka ndodhur gjatë një përplasjeje mes automjetit ushtarak dhe autobotit.
Aksidenti ka ndodhur në vendin e quajtur “Kryqëzimi i Dajçit”.
Automjeti i Repartit Ushtarak ishte nisur në drejtim të Mirditës, për të ndihmuar në shuarjen e zjarreve.
Lezhë/Informacion paraprak
Si pasojë e aksidentit janë dëmtuar shtetasit Gj. H., 33 vjeç, R. D., 57 vjeçe, E. Q., 23 vjeç, J. B., 28 vjeç, D. L., 29 vjeç dhe D. K., 27 vjeç, banues në Shkodër (ushtarakë), pasagjerë në automjetin që drejtonte shtetas B. N., të cilët janë dërguar në spital, për ndihmë mjekësore, jashtë rrezikut për jetën.
Grupi hetimor në vendngjarje po punon për sqarimin e rrethanave të aksidentit.
