Policia e Lezhës ka arrestuar një 57-vjeçar me iniciale R.M. banues në Tiranë, pasi akuzohet se në bashkëpunim me një person tjetër të paidentifikuar kanë përfituar 3 milionë lekë nga administratori i një subjekti privat.
Duke u shtirur si një përfaqsues vendor, ata kanë komunikuar përmes aplikacionit “Signal” ku i kanë kërkuar dhe lekët.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprën penale “Mashtrimi” me pasoja të rënda, kryer në bashkëpunim.
