Një 22-vjeçar ka ndërruar jetë pasi ka rënë aksidentalisht në kontakt me rrymën elektrike në qytetin e Matit. Policia njofton se i riu ka qenë duke punuar me linjën kabllore të internetit kur ka ndodhur ngjarja.
Informacion paraprak
Rreth orës 11:40, në fshatin Fshat në Klos, shtetasi D.P., rreth 22 vjeç, duke punuar me linjën kabllore të internetit, dyshohet se aksidentalisht ka rënë në kontakt me energjinë elektrike dhe për pasojë ka humbur jetën. Grupi hetimor ndodhet në vendngjarje dhe në drejtimin e Prokurorit, vijon punën për përcaktimin e saktë të shkakut të humbjes së jetës.
