Ish-ministri i Mbrojtjes, Fatmir Mediu, i cili po gjykohet për tragjedinë e Gërdecit u kërkoi Gjykatës së Posaçme të ripërsërisë pjesërisht akt ekspertimin e dëmit ekonomiko financiar për ngjarjen tragjike.
Avokatët e të pandehurit thanë ekspertët që kanë përpiluar aktin nuk kanë marrë parasysh një shkresë të kombinatit mekanik të Poliçanit, të vitit 2007, ku përllogariten kostot e demontimit të municioneve.
Keto të dhëna të kësaj shkrese i kanë konsideruar të falsifikuara.
Henrik Ligori tha se u kallëzuan penalisht tre zyrtarë të kombinatit nën dyshimet për falsifikim. Por, me vonë gjykatat e kanë pushuar akuzën ndaj tyre.
Në këto rrethana - u shpreh avokati- të dhënat e shkresës në fjalë kanë qenë të sakta.
Ndërsa në vijim i kërkoi gjykatës të marrë në cilësinë e provës tre vendimet gjyqësore e të urdhërojë kryerjen e një akt-ekspertimi të pjesshëm.
