Xhevahir Lita ish-drejtuesi i prokurorisë së Kukësit i arrestuar në kuadër të operacionit “Metamorfoza” do të duhet të përballet me procesin e vettingut.
Komisioni i Pavarur i Kualifikimit pritet të zhvillojë seancën këtë të mërkurë ku do të lexojë dhe konkluzionet e hetimit për subjektin e rivlerësimit Xhevahir Lita. Ky i fundit nuk pritet të jetë i pranishëm për shkak se ndodhet në paraburgim.
Trupa gjykuese e përbërë nga Genta Tafa ( Bungo), Suela Zhegu, Roland Ilia nuk i mbetet gjë tjetër veçse të firmosë shkarkimin e Litës nga detyra sepse me së paku ai akuzohet për lidhje me grupin kriminal Bajri.
