Guvernatori i Bankës së Shqipërisë, Gent Sejko, zhvilloi ditën e sotme një konferencë për mediat për të njoftuar ekuilibrat monetarë dhe financiarë të vendit.
Çuditërisht, ndryshe nga konferencat e tjera, sot nuk u pa asnjë gazetar që t’i bënte një pyetje guvernatorit të Bankës së Shqipërisë nëse ka ndonjë përgjegjësi morale apo nëse ndjen keqardhje për rastin e qytetarit Pal Trashaj, i cili u vetëhelmua pasi ra pre e skandalit të mikrokredive që i zhvatën jo vetëm pasuritë, por edhe jetën.
Sipas Prokurorisë së Tiranës, fijet e grupit që drejtonte këtë aferë shtrihen deri tek zyrtarë të Bankës së Shqipërisë dhe tek Guvernatori Gent Sejko, të cilët, duke “shpërdoruar detyrën”, kanë sjellë pasoja të parikuperueshme për jetën dhe pronat e mijëra personave.
Guvernatori jo vetëm që nuk kërkoi ndjesë publike për ngjarjen tragjike, por, mesa duket, edhe gazetarëve u është mbyllur goja që të mos e pyesin për këtë rast. Me gjasë fjalët i ka rezervuar kur t'i vijë radha të dalë para prokurorëve për këtë skandal kriminal.
