Gjykata e Lartë shtyu për në datën 16 korrik shqyrtimin e rekursit të paraqitur nga ish-kryeministri Sali Berisha dhe dhëndrri i tij Jamarbër Malltezi kundër masës së sigurisë “arrest në shtëpi” ku po mbahen prej muajsh.
Të dy, si Berisha ashtu dhe Malltezi kanë paraqitur kërkesë që anëtarët e trupës gjykuese të heqin dorë nga gjykimi i cështjes së tyre.
Trupa gjykuese përbëhet nga Sokol Binaj relator dhe anëtarë Ilir Panda e Sandër Simoni.
Berisha dhe Malltezi janë duke u hetuar nën dyshimet për korrupsion lidhur me procedurat e privatizimit të ish-klubit sportiv Partizani.
