Gjykata e Lartë në Mbretërinë e Bashkuar vendos që përkufizimi ligjor i një gruaje bazohet në seksin biologjik
Gjykatësit deklaruan se “koncepti i seksit është binar,” duke theksuar se kjo vendimarrje historike nuk duhet parë si një fitore për njërën palë mbi tjetrën.
Gjykata theksoi gjithashtu se personat transgjinorë mbeten të mbrojtur ligjërisht nga diskriminimi.
Qeveria skoceze kishte argumentuar se personat transgjinorë me certifikatë të njohjes së gjinisë (GRC) kanë të drejtë për mbrojtje të bazuar në seks, ndërsa organizata “For Women Scotland” argumentoi se këto të drejta zbatohen vetëm për ata që kanë lindur femra.
“For Women Scotland” shprehu mirënjohjen për vendimin pas një “rruge të gjatë” betejash ligjore, ndërsa organizata bamirëse “Scottish Trans” i bëri thirrje njerëzve “të mos shqetësohen.”
Qeveria skoceze deklaroi se ka vepruar “me qëllime të mira” dhe do të bashkëpunojë me Westminster-in për të kuptuar plotësisht pasojat e vendimit.
