Sot në orën 12:00 kanë nisur intervistat për përzgjedhjen e shefave të rinj të komisariateve në mbarë vendin. Procesi i intervistimit, i cili zgjat deri më 10 dhjetor, përfshin 274 aplikantë që garojnë për 49 vende pune.
Komisioni i vlerësimit në Drejtorinë e Përgjithshme të Policisë përbëhet nga kryetarja Alma Përmeti dhe anëtarët Ervina Gjana dhe Anisa Duçkollari. Sot janë planifikuar intervistat e 26 aplikantëve të parë, ndërsa për secilin kandidat është caktuar një kohë deri në 20 minuta.
Pas përfundimit të intervistave, Komisioni i Vlerësimit do të dërgojë pikëzimet kryepolicit Muhamet Proda, i cili do të kryejë emërimet bazuar në renditjen e kandidatëve. Aplikantët që arrijnë të sigurojnë mbi 70 pikë do të shpallen fitues të konkurrimit.
