Adelalajda Roka, motra e dy vëllezërve Roka të akuzuar si anëtarë të organizatës kriminale të Suel Celës, vazhdon të qëndrojë në krye të Agjencisë së Zhvillimit të Territorit dhe të zhvillojë mbledhjet e këtij institucioni.
Po ndërsa qeveria nuk merr asnjë masë për largimin e zyrtares së lartë me firmën e së cilës kalojnë të gjithë lejet e ndërtimit të investimeve shumë milionëshe, nga ana tjetër VNA ka mësuar se babai i Marsel e Xhino Rokës ka punuar për një kohë të gjatë ka qenë zyrtar në burgje.
Agron Roka ka punuar fillimisht si shef personeli në Bradashesh, më pas postin e nëndrejtorit të burgut të sigurisë së lartë 302. Më pas ai ka drejtuar për disa kohë institucionin e paraburgimit në Elbasan, ku janë mbajtur edhe pjesëtarë të klanit kundërshtar të djemve të tij dhe Suel Celës.
Pëpara se të lirohej nga detyra, Agron Roka mbante postin e nëndrejtorit të burgut të sigurisë së lartë në Peqin.
SPAK ka nisur aktualisht një hetim pasuror për vëllezërit dhe në sitë do të kalojë edhe babai i tyre ish-zyrtar i lartë i Burgjeve, por edhe motra e tyre aktualisht drejtoreshë e Zhvillimit të Territorit.
