Durim Bami vazhdon të qëndrojë i arrestuar në Dubai, ndërkohë që ende nuk kanë nisur procedurat për ekstradimin e tij në Shqipëri.
45-vjeçari është ndaluar dy herë gjatë këtij viti në kërkim të autoriteteve shqiptare, por mungesa e një marrëveshjeje ekstradimi ndërmjet Shqipërisë dhe Emirateve të Bashkuara Arabe ka bërë që procesi i dërgimit të tij në Shqipëri për të u përballur me drejtësinë të ngecë.
Ende nuk dihet nëse Bami do të dërgohet në Shqipëri përmes deportimit, një mundësi që është përdorur në raste të ngjashme, si për Plaurent Dervishajn dhe Julian Meçen.
Ndërkohë, Bami ka paraqitur një kërkesë pranë autoriteteve të Emirateve të Bashkuara Arabe, ku kërkon të mos ekstradohet, duke argumentuar se kthehen në Shqipëri mund të rrezikonte jetën e tij.
