Zbulohet identiteti i shqiptarit që humbi jetën në burgun e Malandrinos në Greqi. Bëhet fjalë për Armand Nurajn, 37-vjeçar nga Fieri, i cili ishte duke vuajtur dënimin për trafikim të lëndëve narkotike. Trupi i pajetë i tij u gjet nga rojet e burgut në orët e para të mëngjesit të datës 1 dhjetor. Pavarësisht ndihmës së dhënë, shqiptari nuk arriti të mbijetonte. Autoritetet lokale të policisë po kryejnë hetime, megjithëse deri tani nuk ka të dhëna që të sugjerojnë një ngjarje kriminale.
