Petrit Cakrri dhe Fation Bushgjoka janë izoluar në paraburgimin e sigurisë së lartë në 313. Pasi u njohën me masën e sigurisë "arrest me burg" në gjykatën e Dibrës nën dyshimet për rrëmbimin dhe vrasjen e Renis Dobrës të dy u shoqëruan nën masa të rrepta sigurie drejt Tiranës.
Vetëm një ditë më parë ata patën debate të forta në sallën e gjyqit me prokurorin e çështjes. Te dy këmbëngulin se u gjendën në atë zonë pasi po vëzhgonin shtëpi për ti grabitur, por skanë lidhje me vrasjen.
Por janë tradhtuar në çdo lëvizje nga GPS e makinave të marra me qira si dhe nga pamjet filmike. Prokuroria thotë se Renis Dobra u vra për perplasjen e grupeve në trafikun e drogës. Aktualisht është duke hetuar nëse Çakrri dhe vëllezërit Bushgjoka kanë vepruar per llogari të tyre apo kundrejt pagesës.
