Në ditën e tretë të protestës për hyrjen dhe vijimin e punimeve në aeroportin e Vlorës, situata është paraqitur më e qetë krahasuar me ditët e mëparshme. Në zonë janë parë më pak punëtorë të pranishëm, ndërsa protesta është zhvilluar pa tensione. Përfaqësues të kompanisë Mabco kanë kërkuar ndërhyrjen e qeverisë për të mundësuar hyrjen në kantier dhe vijimin e punimeve, me qëllim përfundimin e projektit të aeroportit të Vlorës.
Ndërkohë, forcat e policisë kanë qenë të pranishme në hyrje të kantierit për të garantuar qetësinë dhe mbarëvajtjen e situatës.
