Dinamo ka shkëlqyer në “Elbasan Arena”, duke arritur një fitore të thellë 0-5 ndaj Elbasanit. Në një ndeshje plot spektakël, ekipi i trajnerit Ilir Daja e mbylli pjesën e parë me dy gola nga Zabërgja dhe një nga Meksi. Edhe në pjesën e dytë, Dinamo mbajti ritmin e lartë, me Dejvi Bregun që shënoi dy herë, duke thelluar diferencën. Tifozët e Elbasanit, të pakënaqur me rezultatin, u larguan nga stadiumi para përfundimit të ndeshjes. Me këtë fitore, Dinamo renditet në vendin e tretë, ndërsa Elbasani është në vendin e pestë.
Në ndeshjen tjetër, Teuta arriti të shmangë humbjen ndaj Partizanit në “Arenën e Demave”, me sfidën që përfundoi 1-1. Ekipi i Veselinovic ishte në avantazh falë golit të Carës në minutën e 9-të, por në kohën shtesë, Lloci barazoi me një penallti. Pas kësaj ndeshjeje, Partizani renditet në vendin e dytë me 21 pikë, ndërsa Teuta është në vendin e gjashtë me 16 pikë.
