Gjykata e Sarandës caktoi masën e sigurisë “arrest në shtëpi” për 37-vjeçarin Diomet Musa, i dyshuar si autor plagosjes së biznesmenit Arben Cipa, kryetar i Shoqatës së Operatorëve Turistikë.
Musa është i dyshuar për veprën penale “plagosje e rëndë me dashje” në bashkëpunim, pasi goditi me grushte, shkelma dhe sende të forta biznesmenim.
Lirimi i tij erdhi 48 orë pas arrestimit me kërkesë të prokurores Besiana Sadikaj. Në seancën gjyqësore për caktimin e masës së sigurisë, prokurorja, kërkoi cilësimin të ligjshëm të arrestimit në flagrancë të 37-vjeçarit me precedent të mëparshëm kriminal dhe caktimin ndaj tij të masës së arrestit shtëpiak. Gjyqtarja Esmeralda Shehu vendosi ta cilësojnë të paligjshëm arrestin, por caktoi ndaj Musës masën e arrestit në shtëpi dhe e urdhëroi të dyshuarin të mos të largohet nga banesa e tij e ndodhur në lagjen nr.3 të Sarandës.
Ngjarja për të cilën 37-vjecari akuzohet ndodhi rreth orës 14.10 të së premtes. Pas dhunës ndaj Cipës, I dyshuari u largua, por u arrestua në një banesë në Lukovë. Në kërkim vijon të jetë kushëriri i tij 29-vjeçari Markelian Musa.
