Safet Bajri, i njohur si "i forti" i Dobraçit dhe i akuzuar për vrasjen e Fatbardh Licit në vitin 2018, pritet të përballet nesër me Gjykatën e Posaçme. Edhe pse ai mohon akuzat, SPAK pretendon se disponon prova që e implikojnë në këtë krim.
Para gjykatës për masë sigurie do të dalin gjithashtu Behar Bajri dhe Asmer Bilali. Sipas SPAK, të tre të pandehurit kanë ekzekutuar Liçin në shenjë hakmarrjeje për vrasjen e mikut të tyre, Boran Bërçana, dhe partneres së tij, Silvi Ndoci.
Grupi kriminal Liçi është në konflikt me grupin Bajri, dhe për shtatë vitet e fundit, ky përplasje ka shkaktuar dhjetëra viktima.
Ndërkohë, javën e ardhshme, Safet Bajrit do t’i merret profili i ADN-së për ta krahasuar me një profil të zbuluar në një nga vendngjarjet e hetuara.
