Mëngjesin e 10 gushtit 2018 Fatbardh Lici, vëllai i Mustafa Licit, doli nga shtëpia e tij dhe u ul në një lokal në lagjen Kiras. Një lagje që kontrollohet nga fisi Lici.
Ora shënonte 07:30 kur teksa 53-vjecari po konsumonte kafe me dy të njohur të tij, pranë tyre afrohet një automjet tip Benz. Prej këtij automjeti del një person i armatosur dhe derdh një breshëri plumbash mbi Fatbardh Licin duke e lënë të vrarë.
Fatbardh Lici, vëllai i Mustafa Licit, i njohur si Tata dhe xhaxhai i Ibrahim Licit, njeriut më të kërkuar për momentin nga policia, ishte i skeduar për vrasjen e Astrit Kurmemës në 2011.
Dyshimet në atë kohë ranë mbi Kurmemët, por shpejt rrjedha e hetimeve ndryshoi.
Policia e Shtetit arriti në atë kohë të zbulonte se një luftë e ashpër kishte nisur mes fisit Lici e Bajri.
E lufta kishte si zanafillë tentativën për të ekzekutuar me eksploziv Lulzim Kullën, dhëndërrin e familjes Lici, ngjarje që tronditi Shkodrën me 13 janar 2018.
Kulla mbeti i plagosur bashkë me 8 persona të tjerë.
Burimet thonë se Bajrat shkuan në familjen e Mustafa Licit dhe bënë be’ sipas Kanunit. Madje dy familjet u bënë kumbar. Por fill më pas ndodhi dhe vrasja e Fatbardh Licit.
Që nga kjo ngjarje, janë regjistruar një sërë atentash mafioze me shumë të vrarë e të zhdukur pa gjurmë.
Dyshimet binin sa te grupi Lici e sa te grupi Bajri.
Por, sot në mesditë, është mësuar se ato që thuheshin nën zë janë bërë zyrtare. Safet Bajri u arrestua me urdhër të SPAK në shtëpinë e tij në Dobrac. Ai akuzohet se bashkë me kushëririn e tij, Behar Bajri e krahun e tij të djathtë ka ekzekutuar Fatbardh Licin. Akuza është zyrtare. Asmer Bilalit ndërkohë i janë vrarë babain e xhaxhai, kur ndodhej në burg në kuadër të operacionit OAZ kur u godit bashkë me grupin Bajri.
Bajrat akuzohen po ashtu edhe për masakrën e Dobracit, ku u ekzekutuan Hamza Lici e Arlind Bushati si dhe u aksidentuan me vdekje Flutura e Bashkim Basha. Për masakrën po hetohen dhe Izmir Sakica e Samuel Troshani lidhje e Bajrave.
