Këtë të mërkurë u luajt xhiroja e katërt e Champions League dhe solli rezultate interesante, ku Interi arriti një fitore të ngushtë 1-0 ndaj Arsenalit në "San Siro".
Ndeshja nisi me një ritëm të shpejtë dhe emocionues, me zikaltërit që u afruan me gol që në minutën e dytë, por një goditje e fuqishme u ndal nga traversa. Gjatë pjesës së parë, Arsenal u bë gjithnjë e më i rrezikshëm dhe kishte disa mundësi për të shënuar, ndërsa në minutën e 28, londinezët kërkuan një penallti për një ndërhyrje në zonë, por gjyqtari nuk e akordoi.
Megjithatë, Interi arriti të shënonte golin e vetëm të ndeshjes në fund të pjesës së parë, me Hakan Çalhanoglu që realizoi nga jashtë zone.
Në ndeshjet e tjera të xhiros së katërt, Bayerni kaloi me sukses pengesën e Benficës me një fitore 1-0. Barcelona po ashtu nuk pati vështirësi ndaj Crvena Zvezdës, duke e mposhtur 2-5 në transfertë. Ndërkohë, PSG u mund 1-2 në shtëpi nga Atletico Madrid, duke pësuar një humbje të papritur para tifozëve të saj.
