Procesi ndaj deputetit Ervin Salianji vazhdon të shtyhet në Gjykatën e Apelit të Juridiksionit të Përgjithshëm. Këtë të premte në gjykatë mbërritën dy avokatë të rinj Redi Ramaj e Marash Logu që do të mbrojnë interesat e Salianjit.
Per shkak se ata kanë hyrë rishtas në proces kërkuan kohë të njihen me dosjen e cila është voluminoze. Avokati i Geron Xhafajt, vëllai i ish ministrit të brendshëm Fatmir Xhafaj, i cili është palë e dëmtuar në procesin penal tha se është strategji për të zvarritur procesin. Gjykata iu dha kohë deri më datë 25 korrik kur do të zhvillohet seanca e radhës.
Salianji është dënuar me 1 vit burg nga Gjykata e Tiranës për të ashtuquajturën cështja Babale për kallëzim të rremë. Sipas prokurorisë Salianji bashkë me Albert Veliun i njohur me nofkën Babale dhe Fredi Alizotin inksenuan prova, për të implikuar vëllain e ish-ministrit në trafik droge.
Fredi Alizoti sipas Prokurorisë imitoi në audiopërgjim zërin e Geron Xhafaj.
Ky i fundit më herët është dënuar në Itali për cështje droge. Në momentin që shpërtheu skandali pasi audiopërgjimi u publikua nga zyrat e PD-së nga deputeti Salianji, Geron Xhafaj udhetoi drejt Italisë dhe vuajti dënimin.
