Xhelal Rraja, vëllai i ish-deputetit socialist Rrahman Rraja doli këtë të premte në gjykatën e Posacme ku u njoh me masën e sigurisë arrest me burg.
Në seancë gjyqësore ai pretendoi lirimin për arsye shëndetësore, por ju refuzua nga gjykata. Rraja dyshohet për krijim të kushteve për të kryer vrasje.
Sipas SPAK ai bashkëpunoi me Durim Bamin që njihet si i forti I Nikles, Endrit Dokle e Marklan Hakën në planin për të vrarë ish deputetin e PS-së Arben Ndoka. Nga hetimet del se Ndoka do të vritej në Tiranë kur të shkonte per një kafe ngushelluese në shtëpinë e një gjyqtari të Lezhës. Atentati dështoi pasi Ndoka nuk shkoi në kohën që e prisnin të dyshuarit.
