Është përkeqësuar gjendja shëndetësore e Melisa Trëndafilit, 31-vjeçarja që u lye me benzinë nga bashkëshorti i saj Bledar Trëndafili i cili më pas i vuri flakën.
Bëhet me dije se 31-vjeçarja është nisur drejt Spitalit Universitar "Nënë Tereza" me plagë të shumta në trup e djegie të shkallës së lartë për të marrë mjekim më të specializuar.
Nga ana tjetër Policia ka ngritur pika kontrolli për arrestimin e autorit.
Por kjo nuk ishte hera e parë që Bledar Trëndafili ka ushtruar presion ndaj bashkëshortes së tij. Ai i ka kërkuar 31-vjeçares të heqë dorë nga procesi i divorcit por ajo ka qenë kundër ribashkimit.
Melisa Trëndafili jetonte me qira në një prej rrugicave të lagjes Nr. 1 në afërsi të Bulevardit "Republika" në Korçë.
