Prokuroria e Sarandës ka dyshime se atentati ndaj Thimjo Rubatit ndodhi për shkak se ai rezulton i përfshirë në tjetërsim dhe falsifikim pronash. 50-vjeçari ka mohuar çështjen e pronave, por këmbëngul se atentati ndodhi pasi i biri goditi punonjësin e policisë dy ditë më parë.
Megjithatë, policia dhe prokuroria thonë se Rubati ka problematike dhe përplasje për cështjen e pronave dhe është fokusuar pikërisht në këtë pistë.
Thimjo Rubati u qëllua me armë plumba teksa qëndronte ne verandën e lokalit. Policia tha se në ngjarje morën pjesë dy persona të cilët lëviznin me motorr dhe qëlluan 5 herë në drejtim të objektivit, ku Rubati u prek nga 3 plumba.
I plagosuri në fillim ka qenë në spitalin e Traumës për një ndihmë mjekësore, më pas është transportuar drejt spitalit të Janinës për mjekim më të specializuar.
