Policia e Shtetit arrestoi, në kuadër të operacionit policor “Operacionalja 52”, shtetasin Fatjon Berisha, alias Bledar Berisha.
Ai u lokalizua dhe u vu në pranga në qytetin e Durrësit, me qëllim ekstradimi drejt Italisë. Berisha ishte shpallur në kërkim ndërkombëtar, pasi Gjykata e Romës, Itali, ka caktuar ndaj tij masën e sigurisë “Arrest në burg”, për veprën penale “Trafikimi i lëndëve narkotike, kryer në kuadër të organizatës kriminale”.
Sipas legjislacionit penal italian, kjo vepër parashikon dënim maksimal deri në 20 vjet burgim. Pritet ekstradimi i tij drejt Italisë.
