Për Erion Veliajn dhe Ervin Salianjin, kjo e martë është një ditë tejet vendimtare. I pari, kryebashkiaku i Tiranës, synon që Gjykata e Lartë t’i heqë masën e sigurisë “arrest me burg” ku mbahet prej 10 shkurtit 2025 dhe ai të rikthehet në zyrën e tij të punës.
Ndërsa i dyti, ish-deputeti demokrat, shpreson të lirohet me kusht dhe t’i japë fund dënimit me 1 vit burgim për kallëzim të rremë në dosjen “Babale”. Por Salianji e di me siguri se hesapet me drejtësinë mbyllen në çdo rast, sepse dënimi i tij po shkon drejt fundit, ndërsa Veliaj e ka në pikëpyetje të ardhmen e tij, pasi askush nuk e di me siguri sesi do të shkojë përballja e tij me drejtësinë.
Ndaj, më shumë sesa për Salianjin, pyetja e madhe është: A do mundet ta fitojë Erion Veliaj këtë betejë të ditës së sotme?
