Një skandal korrupsioni ka përfshirë Universitetin “Aleksandër Xhuvani” në Elbasan, ku 7 pedagogë janë arrestuar dhe pezulluar nga detyra. Akuza për korrupsion aktiv dhe pasiv vjen pasi mësohet se pedagogët u kanë kërkuar studentëve para në këmbim të kalimit të provimeve.
Në hetimet e zhvilluara, të dyshuarit kryesorë janë:
1.Ornela Bilali, pedagoge e lëndës “Arti dhe krijimtaria në fëmijërinë e hershme”
2.Zyhra Gripshi, pedagoge e lëndës “Puna me familjen dhe komunitetin”
3.Adrian Shingjergji, pedagog i lëndës “Edukimi motorrik dhe lojërat lëvizore”
4.Beatriçe Gani, pedagoge e lëndës “Të mësuarit nëpërmjet lojës”
5.Edlira Gugu, pedagoge e lëndës “Letërsi për fëmijë”
6.Florinda Tarusha, pedagoge e lëndës “Filozofi e edukimit”
7.Monika Hodaj, pedagoge e lëndës “Edukimi gjinor në fëmijërinë e hershme”
Gjithashtu, është arrestuar edhe Gazmend Hodaj, i cili kishte një lokal pranë universitetit dhe dyshohet të ketë luajtur rolin e ndërmjetësit midis studentëve dhe pedagogëve për përfitimin e ryshfeteve.
Burime të hetuesisë bëjnë me dije se ky rast ka ardhur pas denoncimeve të shumta nga studentët, të cilët pretendojnë se ishin të detyruar të paguanin për të kaluar lëndët përkatëse.
