Armando Broja po vazhdon procesin e rikuperimit nga dëmtimi që e ka mbajtur jashtë fushave që nga vera e këtij viti. Trajneri i Evertonit, Shon Dajç, beson se rikthimi i tij është afër, duke e shoqëruar atë me stafin mjekësor në stërvitje.
“Çermiti është duke punuar me stafin dhe Broja është më përpara në këtë proces. Ai ka nevojë për një program ndeshjesh, por po punon aktivisht. Shpresojmë që shumë shpejt të bashkohet me ekipin,” u shpreh Dajç para ndeshjes me Ipsuiç.
Evertoni po vepron me kujdes, pasi nuk dëshiron të nxitojë rikthimin e Brojës. Sipas marrëveshjes me Çelsin, klubi nuk do të paguajë rrogën e tij derisa ai të jetë plotësisht i gatshëm për të kontribuar në ndeshje.
