Gjykata e Apelit të Posacëm dënoi përfundimisht me 2 vite e tetë muaj burgim Fran Frrokaj ish-kryetar i Bashkisë Lezhë, për akuzën e shpërdorimit të detyrës. Ai duhet të rikthehet në qeli pasi më herët ishte dënuar nga GJKKO vetëm me 1 vit e 4 muaj burgim, por që u liru pasi përfitoi nga amnistia penale që bëri qeveria në prill të këtij viti.
Por ky verdikt u prish nga Apeli i Posacëm cka do të thotë se Frrokaj duhet të vuajë pjesën e mbetur të dënimit. Ish-juristi Bledar Cara u cilësua fajtor dhe dënua me 1 vit e 4 muaj burgim, si dhe heqje e së drejtës për të ushtruar funksione publike për 5 vite.
Juxhina M., u dënua me 1 vit e 4 muaj burg, por dënimi iu konvertua në 5 vite shërbim prove, për një periudhë prej 5 vitesh, me kusht që nuk duhet të kryejë asnjë vepër penale përgjatë kësaj kohe.
E pandehura Juxhina M., u urdhërua që të mbajë kontakte me shërbimin e provës Zyra Vendore Lezhë. Për të u firmos edhe dënim plotësues, heqje e së drejtës për të ushtruar funksione publike për 5 vite. Tre të pandehurit u gjykuan dhe gjetën fajtorë për cështje që lidhen me tjetërsimin e pronave në bregdet.
