Një konflikt mes dy grupeve të rinjsh ka degjeneruar në dhunë dhe përdorim të sendeve të forta, mbrëmjen e së shtunës (21 dhjetor), rreth orës 20:00, në fshatin Shkallë të Bashkisë Konispol. Burime nga vendi i ngjarjes raportojnë se në përleshje janë përfshirë të paktën 6 persona, dhe si pasojë ka pasur të plagosur.
Deri tani, 4 persona kanë kërkuar mjekim në spitalin e Sarandës, ndërkohë që 19-vjeçari Amarildo Saliko dhe 22-vjeçari Flori Pasho kanë pësuar plagë më të rënda, duke pasur çarje 3-4 cm në kokë. Ata janë trajtuar me ndihmë mjekësore.
Policia ka nisur hetimet për zbardhjen e ngjarjes dhe ka shoqëruar 4 persona për t’u marrë në pyetje, për të sqaruar shkaqet e këtij konflikti.
