Një aksident tragjik ka ndodhur në orët e para të mëngjesit në lagjen nr. 17 të Durrësit, në rrugën “Vllazërimi”. 22-vjeçari me inicialet D.H., ka humbur kontrollin e drejtimit të automjetit të tij dhe është përplasur me një trajler të parkuar.
Si pasojë e përplasjes, 22-vjeçari ka humbur jetën në vendngjarje. Grupi hetimor ka nisur punën për zbardhjen e plotë të rrethanave të aksidentit dhe për të hetuar shkakun e kësaj tragjedie.
