Një ngjarje tragjike ka ndodhur pasditen e kësaj të enjteje në Tiranë, ku dy persona kanë humbur jetën si pasojë e asfiksisë nga gaz i rrjedhur. Policia e kryeqytetit ka njoftuar se ngjarja ka ndodhur rreth orës 17:20 në rrugën “Marije Kraja”. Viktimat janë identifikuar si Altin Maksuti, 47 vjeç, pronar i banesës, dhe Vladimir Bengu, rreth 56 vjeç, i afërm i tij.
“Më datë 19.12.2024, rreth orës 17:20, në rrugën “Marije Kraja”, dyshohet se janë asfiksuar nga rrjedhja e gazit, pronari i banesës, shtetasi A.M, rreth 47 vjeç dhe një afërm i tij i largët shtetasi V.B, rreth 56 vjeç, të cilët kanë humbur jetën sipas konfirmimit të stafit mjekësor”, thote policia.
Nderkohe grupi hetimor nën drejtimin e Prokurorisë po punon për sqarimin e rrethanave dhe dokumentimin e plotë ligjor të ngjarjes.
