Anija “Cassiopea” është nisur sot nga porti i Lampeduzës në Siçili drejt Shqipërisë, duke transportuar 49 emigrantë të cilët kanë mbërritur në Itali ditët e fundit. Ky është operacioni i tretë i këtij lloji që prej hapjes së qendrës së pritjes në Gjadër.
Pas një periudhe dy mujore pauze në operacionet e transferimit, Shqipëria vazhdon të jetë pjesë e marrëveshjes me Italinë për strehimin e përkohshëm të emigrantëve.
Ndërkohë, mediat italiane raportojnë se 53 emigrantë të tjerë kanë refuzuar transferimin në Shqipëri duke dorëzuar pasaportat e tyre, një veprim që synon të shmangë zhvendosjen jashtë territorit italian.
