Emocionet kanë kapur peshëngritësin Pirro Dhima, ndërsa fliste për ndarjen nga jeta të Kryepeshkopit, Anastas Janullatos. Me lot në sy, Dhima kujtoi përkushtimin dhe mbështetjen e Janullatosit për grekët në Shqipëri. Ai theksoi se ishte shumë me fat që e kishin këtë figurë të rëndësishme në jetën e tyre.
“Janullatos ishte gjithmonë pranë grekëve të Shqipërisë. Ai ndihmoi shkollat, spitalet dhe njerëzit tanë,” tha Dhima.
Në një intervistë të dhënë në emisionin “Mirëmëngjes” të SKAI, Dhima, i prekur thellë, ndau kujtimin e tij personal me Kryepeshkopin, duke zbuluar se çdo herë pas një fitoreje në Olimpiadë, ai merrte një letër urimi të shkruar me dorë nga Janullatosi.
“Ishte një njeri i veçantë, na konsideronte si të tijtë dhe ishte gjithmonë pranë nesh. Kjo është humbja më e madhe,” përfundoi Dhima.
