Amabasadori i ri i Shqipërisë në Mbretërinë e Bashkuar Uran Ferizi i ka dhënë sot të përditshmes the Sun leksione gazetarie lidhur me titullin që gazeta ka zgjedhur për të përshkruar aksionin e SPAK dhe autoriteteve britanike për të goditur një grup kriminal që transportonte armë nga Shqipëria drejt Britanisë.
“Një titull mashtrues nga Sun.
Meritë e Policisë Shqiptare, e cila drejtoi dhe menaxhoi këtë operacion (me ndihmën e SPAK dhe NCA)- shkruan ambasadori shqiptar i cili vijon me këshillën: Ja një titull më i mirë:
Policët e guximshëm shqiptarë kapin një sasi të tmerrshme armësh të destinuara për bandat e rrezikshme në Londër.
Në fakt operacioni për trafikun e armëve u drejtua nga SPAK dhe pati jehonë edhe në median britanike. Por kjo mesa duket nuk i ka pëlqyer dhe aq shumë ambasadorit tonë në Londër i cili e identifikon suksesin tek policia duke ja vënë në dukje këtë dhe medias britanike të cilën e etiketon “keqinformuese”
Mesa duket ambasadori Uran Ferizi bezdiset nga lëvdatat e autoriteteve dhe medias britanike për Prokurorinë e Posaçme dhe BKH. Dhe si vartës i besuar i kryeministrit ai harron “kostumin” e diplomatit dhe në llogarinë zyrtare në X reagon si zëdhënës i Policisë së Shtetit. Dhe nuk e ka keq me zellin e tepruar për ti rënë në sy shefit që e promovoi në detyrën e Ambasadorit. Thjesht duhet të ruajë standartin e detyrës dhe seriozitetin e shtetit që përfaqëson. Sepse SPAK është institucion shtetëror si dhe policia. Ndoshta vetëm nuk i shërben kryeministrit sa do donte ambasadori Uran Ferizi.
